Наваполацк: актывісты на ўліку

Па месцы рэгістрацыі двух наваполацкіх актывістаў грамадзянскай кампаніі «Еўрапейская Беларусь» 14 і 15 снежня прыходзілі супрацоўнікі міліцыі ў цывільным.
Міліцыянты размаўлялі з бацькамі актывістаў Сяргея Лыскова і Алега Рагоўскага. Міліцыю цікавілі месца працы, дзейнасць, круг зносін маладых людзей. Задаваліся таксама пытанні пра дастаўку ў Наваполацк якіх-небудзь агітацыйных матэрыялаў. На развітанне перадалі праз маці запрашэнне прыбыць у аддзяленне «для правядзення гутаркі». Што менавіта будзе прадметам дадзенай гутаркі, маці паведамлена не было.