Уладзіславу Варанецкаму адмовілі ў правядзенні пікету 19 снежня

Актывіст “Еўрапейскай Беларусі”  падаваў заяўку на пікет  у Чыгуначную раённую адміністрацыю Віцебску, мяркуючы правесці акцыю  ў Парку культуры і адпачынку чыгуначнікаў.

Паводле актывіста, ён хацеў прыцягнуць увагу грамадскаскасці да праблем утрымання палітвязняў у беларускіх турмах. У тым ліку да становішча Андрэя Саньнікава, які адбывае пакаранне ў віцебскай калоніі Віцьба -3, і да якога  не дапускаюць адваката.

Падставай для  адмовы стала тое, што Ўладзіслаў Варанецкі не даслаў разам з заяўкай дамовы на абслугоўванне пікету работнікамі ЖКГ, “хуткай дапамогі” і міліцыі.

З тае самай прычыны адмовы атрымалі і віцебскія актывісты Хрыстафор Жаляпаў -- кіраўнік абласной структуры руху “За Свабоду”, Аляксей Гаўруцікаў -- давераная асоба Мікалая Статкевіча,  і сябар КХП БНФ Ян Дзяржаўцаў. Яны планавалі арганізаваць і правесьці 19 снежня сход жыхароў Віцебска на вуліцы Леніна і шэсце да плошчы Свабоды ў гонар падзеяў Плошчы і на знак салідарнасці з палітвязнямі.

Фота: Уладзіслаў Варанецкі