Міліцыя затрымала гарадзенскіх актывістаў

Як стала вядома ПЦ "Вясна", увечары 16 ліпеня ў Гародні каля палацу прафсаюзаў прайшла традыцыйная акцыя Cалідарнасьці. Аднак людзі з запаленымі сьвечкамі змаглі прастаяць зусім ня доўга. Пяцёх чалавек Абяднанай Грамадзянскай Партыі, сярод якіх старшыня рэгіянальнай структуры Юры Істомін, былі затрыманыя міліцыяй. Затрыманых сябраў АГП завезьлі ў Ленінскі РАУС Гародні, дзе яны мусілі даць пісьмовыя тлумачэньні. Пасьля гэтага ўсіх затрыманых адпусьцілі.