Кампанію шальмавання Алеся Бяляцкага працягваюць “раёнкі” Гродзеншчыны

У сярэдзіне лістапада зэльвенская раённая газета “Праца” (рэдактар Клаўдзія Крэчка)  і “Свіслацкая газета” (рэдактар Ядвіга Курыла) далучылася да кампаніі шальмавання кіраўніка Праваабарончага цэнтра "Вясна" і віцэ-прэзідэнта FIDН Алеся Бяляцкага і апублікавалі заказны пасквіль пад агульным загалоўкам “Как “правозащитник” Беляцкий устроил себе красивую жизнь”. Каментаваць  публікацыі ў рэдакцыях гэтых газет адмовіліся.

Нагадаем, што суд над вядомым праваабаронцам яшчэ працягваецца, але, здаецца, у зэльвенскай і свіслацкай “раёнках” пра такое паняцце, як «прэзумпцыя невінаватасці» чуць не хочуць.