Салігорская раёнка выканала замову па шальмаванні Алеся Бяляцкага
Алесь Бяляцкі падчас суду
Артыкул з эпатажнай назвай “Таямніцы палітбізнэсу”, які ў за апошнія два тыдні абляцеў дзяржаўныя выданні ўсіх узроўняў, з’явіўся і ў свежым нумары мясцовай выканкамаўскай газеты “Шахцёр” ад 17 лістапада, а таксама на сайце выдання.
Сам артыкул абсалютна нічым не адрозьніваецца ад змешчанага на сайце дзяржаўнай інфармацыйнай агенцыі “БелТА” 2 лістапада. Ананімны аўтар пад псеўданімам Дзяніса Паляванава яшчэ да выраку суда прызнае кіраўніка Праваабарончага цэнтра “Вясна” Алеся Бяляцкага вінаватым у фінансавых махінацыях ды параўноўвае яго з нямецкімі прастытуткамі. Зрэшты, цытваць прапагандысцкія клічшэ гэтага фэнтэзійнага твору бессэнсоўна. За апошнія сямнаццаць год ў дзяржаўнай прэсе іх было багата прысвечана айчынным грамадскім ды палітычным дзеячам.
Шальмавання Алеся Бяляцкага ў іншых салігорскіх СМІ кантраляваных дзяржавай на дадзены момант заўважана аднак не было. Гэткая акалічнасць яшчэ раз пацвярджае высновы мясцовых праваабаронцаў аб газеце “Шахцёр” як асноўным рупары дзяржаўнай прапаганды ў рэгіёне.
