Ідэолаг забараніў пісаць пра паэта-земляка

Начальнік аддзела ідэалагічнай работы Зэльвенскага райвыканкама Юрый Кулікоў забараніў журналістам зэльвенскай раённай газеты “Праца” публікаваць матэрыял пра творчую сустрэчу настаўнікаў і вучняў зэльвенскіх школ з паэтам і публіцыстам Міхасём Скоблам і спявачкай, салісткай Белдзяржфілармоніі Таццянай Матафонавай.

Такое на Зэльвешчыне здарылася ўпершыню, не лічачы забароны публікацый і згадак у раёнцы пра паэтку-зямлячку Ларысу Геніюш. Пра гэта таксама парупіўся ўсё той жа ідэолаг Кулікоў. З яго “добрай” рукі была і знята мемарыяльная шыльда з хаты ў Зэльве, дзе жыла паэтка.  Цяпер чарга дайшла і да Міхася Скоблы, які родам з Зэльвеншчыны. Райвыканкамаўскі чыноўнік не пажадаў, каб пра слыннага земляка пісала  мясцовая прэса.