У Мядзелі быў затрыманы актывіст АГП Андрэй Абалевіч

3 ліпеня падчас афіцыйнага мітынгу з нагоды сьвяткаваньня афіцыйнага Дня Незалежнасьці ў Мядзелі актывіст раздаваў улёткі з прапановай зьвяртацца да яго і ягоных калегаў з апазыцыі дзеля разьвязаньня набалелых праблемаў.
Акцыя, што дапамагае людзям вырашыць іхныя жыцьцёвыя праблемы, называецца "Мы разам". Андрэй Абалевіч пасьпеў раздаць некалькі соцень такіх улётак, пасьля чаго яго затрымалі міліцыянты і даставілі ў Мядзельскі раённы аддзел міліцыі. Міліцыянты доўга не маглі знайсьці артыкулу Адміністратыўнага кодэксу, які нібыта парушыў спадар Абалевіч. Як вынік, з апазыцыйнага актывіста ўзялі пісьмовае тлумачэньне і адпусьцілі, паведаміла Радыё Свабода.