Павел Севярынец застаецца на “хіміі”

Пасля адмовы Паўла Севярынца падпісаць прашэнне аб памілаванні кіраўніцтва спецкамендатуры № 7 у в. Купліна дало Севярынцу падпісаць паперу, дзе сказана, што да Паўла Севярынца вырашана не прымяняць 91 артыкул, гэта значыць, не змяняць меру адбыцця пакарання (з адбыцця пакарання ў папраўчай установе адкрытага тыпу на «хатнюю хімію»)

Па словах Паўла Севярынца, на змяненне меры адбыцця пакарання патрэбна прайсці шкалу градацый: цвёрда стаў на шлях выпраўлення і даказаў, што цвёрда стаў на шлях выпраўлення.

Як сказаў ідэолаг камендатуры, калі Павел не прызнаў сваёй віны, то не даказаў, што цвёрда стаў на шлях выпраўлення.