Удзельнікі акцыі каля помніка Леніна ў Менску атрымалі на траіх 24 суткі арышту
Затрыманьне ўдзельнікаў акцыі каля помніку Леніна
У судзе Маскоўскага раёна Менска пачынаецца разгляд адміністратыўных спраў “маладафронтаўцаў” Міхаіла Мускага, Сяргея Павала і Рамана Васільева. Іх вінавацяць у дробным хуліганстве (арт. 17.1 КаАП РБ), а менавіта ў спробе закідаць помнік Леніна яйкамі пад лёзунгі «Камунізм пад трыбунал» і «Спыніць камунізм».
Выходныя яны правялі ў Цэнтры ізаляцыі правапарушальнікаў на Акрэсціна.
Стала вядома, што справу Міхаіла Мускага разглядае суддзя Казак, Сяргея Паўла – суддзя Сямахіна, Васільева - Хаткевіч Яўген.
Сяргей Павал пакараны арыштам на 7 сутак. Мускаму таксама "адмералі" 7 сутак. А вось Раману Васільеву прысудзілі 10 сутак.
Раман Васільеў адмовіўся даваць тлумачэньні і суддзя зрабіў перапынак, каб выклікаць сведку - супрацоўніка міліцыі Міціна.
