Рыгор Грык падаў скаргу ў суд на адмову ў пікеце

3 лістапада грамадскі актывіст Рыгор Грык падаў скаргу ў гарадскі суд на дзеянні Баранавіцкага гарвыканкама, які 5 кастрычніка забараніў правядзенне пікету супраць роста коштаў і татальнага збяднення насельніцтва ў старым парку горада. У адмове гарвыканкама паведамлялася, што ўказанныя ў заяве лозунгі не адпавядаюць мэтам і паняццям, замацаваным ў арт.2 Закона РБ “Ад масавых мерапрыемствах”. Рыгор Грык катэгарычна не згадзіўся з такою фармулёўкай адмовы, таму і падаў скаргу ў гарадскі суд.

Заяўнік просіць гарадскі суд:

1) прызнаць дзеянні гарвыканкама па адмове ў правядзенні пікета неправамоцнымі і парушаючымі яго канстытуцыйныя правы;

2) абавязаць гарвыканкам забяспечыць Рыгору Грыку правядзенне пікету на заяўленую тэму;

3) спагнаць з Баранавіцкага гарвыканкама судовыя выдаткі на яго карысць – дзяржаўную пошліну ў памеры 35 000 рублёў.