Асуджаны па справе анархістаў Мікалай Дзядок не пакідаў выпраўленчую калонію №15

Пра гэта сёння, 21 кастрычніка, паведаміла адміністрацыя калоніі актывістцы кампаніі «Наш Дом» Крысціне Шацікавай. Нагадаем, што актывісты «Наш Дом» высылалі грашовы перавод у памеры 100 тысяч рублёў Мікалаю Дзядку, аднак учора Крысціна Шацікава атрымала ўведамленне, у якім было пазначана, што перавод не дайшоў да адрасата ў сувязі з адсутнасцю (вызваленнем) адрасата.

Крысціна адзначае, што грошы не дайшлі да хлопца, бо не было пазначана яго імя па бацьку.

«Сёння я маю намер паўтарыць спробу выслаць 100 тысяч рублёў Мікалаю. Гэтая сума сімвалічная. Мы хочам падтрымаць незаконна асуджаных і паказаць, што на волі ёсць людзі, якія працягваюць дапамагаць і дамагацца вызвалення ўсіх палітвязняў», - гаворыць Крысціна Шацікава.