Брэст: удзельніку “маўклівай” акцыі загадваюць сплаціць нуль рублёў (дакумент)

Жыхар Брэста Яўген Фельдман атрымаў пастанову ад судовага выканаўцы суду Маскоўскага раёна гэтага горада, у якой гаворыцца пра неабходнасць сплаціць на карысць гарадскога фінансавага аддзела …нуль беларускіх рублёў.

Як паведаміў сам Фельдман, яго затрымалі падчас адной з “маўклівых” акцый пратэсту напрыканцы чэрвеня і пакаралі адміністратыўным штрафам памерам 175 тысяч рублёў. Гэты штраф ён спраціў яшчэ 1 кастрычніка і таму быў вельмі здзіўлены, калі прыйшоў гэты ліст ад судовага выканаўцы.  

Яўген Фельдман жартуе, што магчыма такім чынам на дзеяннях судовых выканаўцаў адбіваецца эканамічны крызіс і зараз яны выстаўляюць іншыя памеры штрафу, тым каго раней пакаралі ў судзе.