Праваабарончая праграма“Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” і “Праваабарончы каляндар”.
У гэтым выпуску:
Пра ціск на арганізатараў масавых мерапрыемстваў і акцыяў, прысуд гарадзенскаму праваабаронцу Віктару Сазонаву і ншыя факты, якімі быў адметны мінулы тыдзень у галіне правоў чалавека – у “Хроніцы пераследу”.
Прэвентыўныя затрыманні і масавы пераслед актывістаў па ўсёй краіне 8 кастрычніка, на думку праваабаронцаў, сведчаць толькі пра адно - улады панічна баяцца народных пратэстаў. “Падзеяй тыдня” мінулага стаў Народны сход, які адбыўся ў суботу ў Менску і яшчэ 15 гарадах і мястэчках Беларусі.
Госць рубрыкі “Асоба. Дзяржава. Грамадства” – каардынатар кампаніі “Праваабаронцы супраць смяротнага пакарання ў Беларусі” Андрэй Палуда. З нагоды Сусветнага дня барацьбы са смяротным пакараннем ён распавядае пра апошнія здзяйсненні і далейшыя планы ў межах кампаніі.
У “Праваабарончым календары” адразу некалькі нагодаў для адзначэнняў і ўспамінаў выпала на адзін дзень. 10 кастрычніка – Сусветны дзень барацьбы са смяротным пакараннем і дзень памяці Марэка Навіцкага - вядомага ў свеце праваабаронцы, кіраўніка Польскай Хельсінкскай фундацыі па правах чалавека.
У музычных паўзах – беларускія выканаўцы, якія далучыліся да праваабарончай кампаніі супраць смяротнага пакарання, падпісаўшы петыцыю на адрас уладаў Беларусі: Dali, Ганна Хітрык, Зміцер Вайцюшкевіч, Лявон Вольскі ды J-Морс.
Слухаць выпуск:
