Дактыласкапіяй не абыйдзецеся: Віктара Калесніка выклікалі і ў пракуратуру

Віктара Калесніка, арганізатара Народнага сходу ў Полацку, выклікалі ў пракуратуру, каб афіцыйна папярэдзіць "аб недапушчальнасці падрыхтоўкі да здзяйснення дзеянняў, якія парушаюць нормы Закона Рэспублікі Беларусь «Аб масавых мерапрыемствах у РБ ".
Усе спробы Калесніка растлумачыць, што ён не збіраецца праводзіць «масавую вулічную акцыю", а просты сход мясцовых жыхароў, які такой акцыяй не з'яўляецца, аказаліся прадказана безвыніковымі. Калесніку ўручылі на рукі папярэджанне, дзе гаворыцца аб магчымасці прыцягнення яго да адміністратыўнай адказнасці ў выпадку правядзення ім недазволенага мерапрыемства.
На сённяшні дзень актывісту раней была перададзена позва аб абавязковым праходжанні дактыласкапіі, хоць, па словах Віктара, ён ужо праходзіў яе раней і не палічыў сябе абавязаным паўторна на яе з'яўляцца.