Шырын Эбадзі, лаўрэат Нобелеўскай прэміі міру, зрабіла заяву па справе Алеся Бяляцкага (відэа)

"Сітуацыя праваабаронцаў па ўсім свеце застаецца крытычнай. Прыкладам таму служыць сітуацыя майго сябра і калегі, беларускага праваабаронцы Алеся Бяляцкага, віцэ-прэзідэнта FIDH, арыштаванага 4 жніўні гэтага года, які ўсё яшчэ неабгрунтавана знаходзіцца пад вартай.
Дыктатары трымаюцца адзін за аднаго, тое ж павінны рабіць і мы! Міжнародная супольнасць павінна не толькі выкарыстоўваць усе наяўныя ў іх распараджэнні сродкі па абароне правоў чалавека і дэмакратыі, але і ўзмацняць іх, рашуча і згуртавана.
Што ж такое дыялог, калі ён не заснаваны на павазе правоў чалавека і ўсіх тых, хто абараняюць іх, часта з рызыкай для ўласнага жыцця?
Алесь Бяляцкі павінен быць неадкладна вызвалены і атрымаць магчымасць працягваць сваю мужную і легітымную працу, так патрэбную людзям яго краіны і ўсяго рэгіёну".

Падчас прэс-канферэнцыі, якая прайшла 5 кастрычніка ў Брусельскім офісе Міжнароднай Федэрацыі за правы чалавека (FIDH), Шырын Эбадзі, якая прыехала ў Брусель па запрашэнні кіраўніка Еўракамісіі Жазэ Мануэла Барозу, таксама згадала справу Бяляцкага, узяўшы ў рукі яго партрэт: "Хачу сказаць таксама з нагоды сітуацыі ў Беларусі. Гэта фатаграфія майго беларускага калегі Алеся Бяляцкага. У дадзены момант ён знаходзіцца ў турме ", - заявіла Шырын Эбадзі. "Мяне вельмі засмуціла вестка пра тое, што дзве дзяржавы сябра Еўрапейскага Саюза, Літва і Польшча, дапамаглі беларускім уладам арыштаваць Алеся Бяляцкага", - дадала яна.