Праваабарончая праграма“Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" і “Асоба. Дзяржава. Грамадства”.
У гэтым выпуску:
Пад час падрыхтоўкі да правядзення Народнага Сходу, запланаванагана на 8 кастрычніка, улады актывізавалі дзеянні па нейтралізацыі і перасьледзе найбольш актыўных грамадзян. Мінулы тыдзень адзначыўся затрыманьнямі распаўсюднікаў інфармацыі пра сход і канфіскацыяй інфармацыйных матэрыялаў. Пра гэта слухайце ў “Хроніцы пераследу”.
“Падзея тыдня” прысвечаная вылучэнню старшыні Праваабарончага цэнтру “Вясна”, віцэ-прэзідэнта Міжнароднай федэрацыі правоў чалавека Алеся Бяляцкага на Нобелеўскую прэмію міру за заслугі ў справе абароны правоў чалавека 2012 года.
У апошняй дэкадзе верасня ў польскім горадзе Уроцлаў праходзіў Кангрэс Еўрапейскай Федэрацыі адвакатуры, на някім нашу краіну прадстаўляў Павел Сапелка - вопытны юрыст, якога ўлада сёлета пазбавіла права займацца адвакацкай дзейнасцю. Ён чарговы госць рубрыкі “Чалавек. Асоба. Грамадства”.
У гэтым выпуску праграмы “Людзьмі звацца!” cтартуе новая рубрыка – “Праваабарончы каляндар”.
У музычных паўзах - гурт “Ляпіс”.
Слухаць выпуск:
