Статкевіча-старэйшага павіншавалі з Днём настаўніка

1 кастрычніка прадстаўнікі грамадскасці горада Баранавічы павіншавалі Віктара Паўлавіча Статкевіча, які 35 гадоў працаваў выкладчыкам гісторыі, з Днём настаўніка.

Віктар Паўлавіч, бацька палітзняволенага Мікалая Статкевіча, пачынаў сваю працу настаўнікам гісторыі ў вёсцы Парэчча Пінскага раёна, але найбольш часу працаваў у СШ № 13 г.Баранавічы.

Госці размаўлялі з Віктарам Паўлавічам пра вызваленне палітвязняў, сацыяльна-палітычнае становішча ў краіне, рост цэнаў і, канешне, пажадалі яму здароўя і найхутчэй сустрэцца з сынам.

Праваабарончы цэнтр “Вясна” далучаецца да віншаванняў Віктара Паўлавіча з Днём настаўніка і зычыць душэўнай моцы і як мага хутчэй пабачыць сына на волі.

Фота: у гасцях Статкевіча-старэйшага