Канчатковыя вынікі выбараў у Віцебску: штрафы, адсідкі, звальненьні

Рэпрэсіі супраць апанэнтаў рэжыму падчас апошняй прэзыдэнцкай кампаніі былі найбольш жорсткімі за ўсю гісторыю віцебскага палітычнага руху з 1989 года. Такая выснова напрошваецца пасьля падвядзеньня мясцовымі дэмсіламі агульнага выніку вядомых фактаў перасьледу.За чатыры месяцы выбарчай кампаніі ўлады спагналі з апазыцыйна настроеных віцьбічаў 9,5 мільёнаў рублёў штрафаў. Яшчэ паўтара мільёна было скарыстана на аплату знаходжаньня арыштаваных у ізалятары часовага ўтрыманьня і адвакацкія паслугі. 15 чалавек пабывалі "на сутках". Агулам яны адседзелі пад арыштам 91 дзень. Тры асобы былі звольненыя з працы, а адна студэнтка адлічаная з вышэйшай навучальнай установы, паведаміла прэс-служба Асамблеі НДА.