4 чэрвеня ў Салігорску ля крамы "Юбілейны" быў затрыманы сябра "Маладога Фронта" Янковіч Аляксей

Як сёньня стала вядома прэс-службе Хартыя-97, 4 чэрвеня, у нядзелю ўвечары ў Салігорску ля крамы "Юбілейны" быў затрыманы сябра "Маладога Фронта" Янковіч Аляксей. Аляксей распаўсюджваў газэту "Товарищ", у якой на першай старонцы быў надрукаваны артыкул аб маючай месца ў горадзе галадоўцы.

Міліцыянты даставілі хлопца ў пастарунак дзеля высьвятленьня асобы. Асобу высьвятлялі паўтары гадзіны, пасьля чаго прыехалі бацькі актывіста і забралі яго дадому. Цікава адзначыць, што за гадзіну да гэтага іншыя сябры МФ свабодна распаўсюдзілі ўсе асобнікі гэзэты. Нават прапанавалі намесьніку салігорскай міліцыі Гарэліку, але той чамусьці адмовіўся і толькі нешта злосна буркнуў у бок моладзі.