Баранавіцкія актывісты павіншавалі Віктара Паўлавіча Статкевіча з 55-годдзем сына
11 жніўня 2011 года баранавіцкія грамадскія актывісты наведалі Віктара Паўлавіча Статкевіча і павіншавалі яго з 55 годдзем сына Мікалая Статкевіча, які цяпер знаходзіцца ў шклоўскай папраўчай калоніі №17 Магілёўскай вобласці.
Спачатку мясцовыя сацыял-дэмакраты, праваабаронцы і грамадскія актывісты накіравалі экс-кандыдату ў прэзідэнты Мікалаю Статкевічу ў Шклоў віншавальную тэлеграму і пажадалі яму моцы духа і хутчэйшай свабоды. А затым грамадскія актывісты наведалі Статкевіча-старэйшага, які жыве ў паўночным мікрараёне горада.
Віктар Паўлавіч, нягледзячы на свае 84 гады, сам спёк цэлую булку пірага. За кубачкам гарбаты гаварылі пра сына Мікалая і іншых палітвязняў, пра цяперашняе сацыяльна-эканамічнае і палітычнае становішча ў краіне.
Віктар Паўлавіч Статкевіч чытае “Народную волю”, слухае “Свабоду”. Ён з задавальненнем распавядаў пра вайну і прачытаную кнігу Марка Салоніна “22 чэрвеня, ці калі пачалася Вялікая Айчынная вайна?”.
