Актывісту з Баранавіч Рыгору Грыку забаранілі правядзенне пікету
Грамадскі актывіст Рыгор Грык (г.Баранавічы)
Баранавіцкі гарвыканкам забараніў грамадскаму актывісту, сябру гарадской суполкі Аб’яднанай грамадзянскай партыі Рыгору Грыку праводзіць пікет 30 ліпеня 2011 года.
Актывіст планаваў правесці пікет у старым парку з боку Камсамольскай вуліцы пад лозунгам “За жыццё без ілжы і падману”. У адказе гарвыканкама № 01-15/418/1 ад 22.07.2011г. паведамляецца, што заяўнік парушыў п.1 рашэння Баранавіцкага гарвыканкама ад 16.06.2009 года № 1497 (праўда, канкрэтна не сказана менавіта што парушыў заяўнік пікета). Актывіст мяркуе, што гаворка ідзе пра месца пікета. Аднак у сваёй заяве Рыгор Грык указаў менавіта стары парк з боку Камсамольскай вуліцы, як гэта патрабуе названае рашэнне гарвыканкама за № 1497 ад 16.06.2009 года.
Рыгор Грык лічыць, што ў сваёй заяве ён не парушыў рашэнне гарвыканкама, таму будзе скардзіцца пракурору горада на рашэнне выканаўчай улады. Калі гэта не дасць станоўчага выніку, то будзе падаваць скаргу ў гарадскі суд.
Тэкст адказу з выканкама глядзіце на фотаздымку ніжэй.
