Змітра Бандарэнку трымаюць у СІЗА на вуліцы Валадарскага

Жонка палітыка паведаміла, што Зміцер Бандарэнка, хутчэй за ўсё, знаходзіцца ў следчым ізалятары МУС па вуліцы Валадарскага. "Я звязалася з адвакатам, ён з'ездзіў у СІЗА, дзе яму выпісалі ордэр на сустрэчу са Змітром", - распавяла Вольга Бандарэнка.

Як паведамлялася раней, сёння прыкладна ў 10.00 Змітра Бандарэнку даставілі ў 5-ю клінічную бальніцу Мінска, дзе 26 ліпеня яго павінны аперыраваць. "Я прайшла ў прыёмнае аддзяленне, каля ўваходу стаялі сябры Змітра, - распавяла Вольга Бандарэнка. - Увайшоў чалавек у цывільным і сказаў, што, калі мы не хочам непрыемнасцяў, то павінны разысціся. Я была ўнутры, калі мне паведамілі, што машына, у якой знаходзіўся муж, з'ехала ". Па словах жонкі палітыка, лекары ўжо практычна аформілі дакументы, але калі Бандарэнка павезлі, іх "паклалі ў стол".

Да гэтага часу месцазнаходжанне Змітра Бандарэнкі было невядомае.