Вышэйшы гаспадарчы суд падтрымаў БТ супраць "Народнай Волі"

Такое рашэнне прыняла касацыйная калегія Вышэйшага гаспадарчага суда. Яна пакінула ў сіле рашэнне суда першай інстанцыі па скарзе недзяржаўнай газеты, перадае "Беларускі партызан".

Нагодай для разгляду быў артыкул Святланы Калінкінай "Гаворыць і паказвае Гебельс-ТВ". Беларуская тэлевізія палічыла, што публікацыя пашкодзіла яго дзелавой рэпутацыі.

У мінулы чацвер у судзе былі заслуханыя абодва бакі і прадэманстраваны скандальна вядомы фільм "Плошча. Жалезам па шкле". Гэты фільм і стаў нагодай для артыкула Калінкінай. БТ палічыла, што журналістка парушыла Закон пра СМІ — не падала доказаў сваіх асабістых меркаванняў.