У раёне правядзення парада затрымана некалькі чалавек

Карэспандэнт БелаПАН стаў сведкам затрымання трох чалавек на праспекце Пераможцаў, праз дарогу ад стэлы "Мінск — горад-герой". Маладыя людзі спрабавалі пляскаць падчас выступлення Аляксандра Лукашэнкі. Да іх тут жа падбеглі людзі ў цывільным і адвялі ў невядомым напрамку.

За некалькі хвілін да пачатку прамовы прэзідэнта яшчэ да двух маладых мужчын падышоў супрацоўнік міліцыі і папрасіў іх прайсці з ім для праверкі дакументаў.

Падчас выступлення Лукашэнкі ў тых, хто сабраўся каля стэлы, не працавала функцыя перадачы даных у мабільных тэлефонах.