«Міжнародная амністыя» асудзіла затрыманьні падчас маўклівых пратэстаў

Беларускія ўлады павінны неадкладна і безумоўна вызваліць усіх затрыманых за ўдзел у мірных акцыях маўклівага пратэсту, заявіла праваабарончая арганізацыя  Amnesty International.

У Менску і іншых гарадах Беларусі супрацоўнікі міліцыі затрымалі больш за 250 чалавек.  Большасьць з іх былі пасьля вызваленыя, але некаторыя асобы былі пакараныя арыштамі і штрафамі паводле абвінавачаньня ў "дробным хуліганстве".

У апошнія тыдні міліцыя правяла масавыя арышты удзельнікаў некалькіх такіх пратэстаў, якія былі арганізаваны з дапамогай сацыяльных сетак, адзначае праваабарончая арганізацыя.

"Беларускія ўлады павінны паважаць права на свабоду сходаў тых, хто жадае выказаць мірны пратэст, "сказаў Джон Далхэйзэн, намесьнік дырэктара Amnesty International па Эўропе і Цэнтральнай Азіі.

"Беларускія ўлады павінны спыніць ужываць гвалт і адміністрацыйныя прысуды як пакараньне дэманстрантаў і перашкоду будучых пратэстаў."

"Беларускія ўлады павінны пачаць незалежнае расьсьледаваньне паведамленьняў аб зьбіцьці пратэстоўцаў.  Гэта непрымальна для міліцыі ўжываць празьмерную сілу супраць мірных дэманстрантаў ", сказаў Джон Далхэйзэн.