Праваабарончая праграма“Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” і “Рэха Плошчы”.
У гэтым выпуску:
Пра гучныя факты парушэння правоў чалавека на мінулым тыдні - у “Хроніцы пераследу”.
9 – 11 чэрвеня праходзіў “Вроцлаўскі Глабальны Форум 2011”. Адной з галоўных тэмаў гэтага масштабнага мерапрыемтсва стала беларускае пытанне. У межах Форуму тры няўрадавыя беларускія арганізацыі – БАЖ, ПЦ “Вясна” і “Свабодны тэатр” – былі ўганараваныя Прэміяй Свабоды. Падрабязнасці - у рубрыцы “Падзея тыдня”.
Госць рубрыкі “Чалавек. Дзяржава. Грамадства” – маці палітвязня Алена Ліхавід. Яе сын Мікіта Ліхавід, асуджаны за Плошчу-2010, адбывае пакаранне ў Наваполацкай калоніі. За месяц знаходжання ў папраўчай установе большасць часу юнак правёў у штрафным ізалятары. Алена Ліхавід – пра тое, якім пабачыла свайго сына падчас спадкання, што прыпала на яго 21-шы дзень народзінаў.
Рубрыка “Рэха Плошчы” прысвечана крымінальнаму пераследу ўдзельнікаў мірнай акцыі 19 снежня на плошчы Незалежнасці ў Менску.
У музычных паўзах – кампазіцыі маладога беларускага гурта IQ48.
Слухаць выпуск:
