Незнаёмыя хлопцы дапамаглі сям’і палітвязня

У Барысаве, падобна, дапамагаць сям’і палітвязня Аляксандра Малчанава становіцца проста правілам добрага тону. Так, на днях у доме бацькоў Сашы з’явіліся незвычайныя госці.
Некалькі незнаёмых маме Аляксандра Малчанава Галіне Андрэеўне хлопцаў пастукаліся ў двор прыватнага дома, дзе пражывае яна сама і бацька Сашы. «Хлопцы спыталіся, ці трэба дапамагчы чымсці, - распавядае Галіна Андрэеўна. - А я так хварэла пасля Сашынай пасадкі, зусім сіл няма: двор не прыбраны, агарод ўвесь травой зарос. Адну толькі градку і засеяла. Кажу, калі хочаце дапамагчы - прыбярыце двор, у агародзе, можа, што зробіце».
Хлопцы прывялі ў парадак двор, ускапалі агарод, скасілі траву. “Я нават не ведаю, хто гэтыя хлопцы, - дзівіцца Галіна Малчанава. - Дома ў нас яны раней не бывалі ... Можа, Сашыны знаёмыя, а можа, і не. Абяцалі зноў прыйсці дапамагчы».
«Праваабарончая хроніка»