"Наша ніва" абскарджвае папярэджаньне Мінінфарму
Вышэйшы гаспадарчы суд Беларусі 30 траўня
разгледзіць скаргу газэты "Наша ніва" на вынесенае Міністэрствам
інфармацыі папярэджаньне.
Гэтае папярэджаньне стала адной з падстаў, каб пачаць працэс аб закрыцьці
газэты. Аднак гэты працэс быў прыпынены, бо рэдакцыя дамагаецца адмены
вынесенага папярэджаньня, паведамляе Інтэрфакс.
Раней Міністэрства інфармацыі Беларусі падало пазовы ў Вышэйшы гаспадарчы суд
аб спыненьні выпуску незалежных газэт "Народная воля" і "Наша
ніва". На той момант гэтыя выданьні ўжо атрымалі пісьмовыя папярэджаньні
за публікацыі пра падзеі 19 сьнежня мінулага году і пра выбух у менскім мэтро
11 красавіка.
Вытворчасьць па пазове Міністэрства інфармацыі аб спыненьні выпуску
"Народнай волі" таксама прыпынена ў сувязі з тым, што газэта не
пасьпела абскардзіць папярэджаньне.
