Старшыні ўправы Радыё Рацыя анулявалі беларускую візу

Старшыні ўправы Радыё Рацыя Яўгену Вапу пры перасячэнні польска-беларускай мяжы беларускія памежнікі анулявалі візу, не прапусціўшы такім чынам на тэрыторыю Беларусі, куды ён накіроўваўся па службовых справах.

Ад тлумачэння прычын такога рашэння беларускія памежнікі адмовіліся, сказаўшы толькі, што з гэтым пытаннем цяпер трэба звяртацца ў амбасаду Рэспублікі Беларусь у Польшчы.

Сёння ў Бруселі міністрамі замежных спраў Еўрасаюза вырашаецца пытанне ўвядзення эканамічных санкцый у адносінах да беларускіх уладаў і пашырэнне спісу неўязных памагатых рэжыму Аляксандра Лукашэнкі.

У сваю чаргу беларускія ўлады неаднойчы казалі, пра меры ў адказ, і ў прыватнасці пра пашырэнне ўласнага спісу неўязных.