Справа Андрэя Пачобута перададзена ў суд
Андрэй Пачобут, публіцыст і блогер, уласны карэспандэнт выдання Gazeta Wyborcza
Стала вядома, што справа журналіста Андрэя Пачобута, якога вінавацяць у парушэнні адразу двух артыкулаў Крымінальнага кодэксу Рэспублікі Беларусь – 368 – частка 1 (абраза прэзідэнта Рэспублікі Беларусь) і 367 – частка 1 (паклёп на прэзідэнта Рэспублікі Беларусь) перададзена ў суд. Такім чынам, хадайніцтвы Пачобута і ягонага адваката Аляксандра Бірылава пра спыненне крымінальнай справы ў сувязі з адсутнасцю складу злачынства -- адхілены. У бліжэйшы час высветліцца, у судзе якога раёну гораду – Кастрычніцкага ці Ленінскага будзе праходзіць працэс. Публіцысту Андрэю Пачобуту за ягоныя артыкулы ў інтэрнэце і польскай “Gazece Wzborczej” пагражае максімальна 4 гады турэмнага зняволення.
“Праваабарончая хроніка”
