Беларусь: грамадства ў небяспецы
Дакументальны 7 хвілінны інтэрнэт-фільм "Змрочная зіма ў
Беларусі" выкрывае жорсткія рэпрэсіі, якія ўжываюцца беларускімі ўладамі ў
дачыненні да ўсіх дысідэнцкіх галасоў, якія выступілі з выкрыццём прэзідэнцкіх
выбараў19 снежня 2010 года
Пасля апублікавання вынікаў выбараў
каля 700 чалавек былі арыштаваныя і прысуджаныя да зняволення з-за таго, што
яны выйшлі на мірную дэманстрацыю пратэсту супраць выбарчых парушэнняў, многія
з іх былі жорстка збітыя. Сярод тых, хто апынуўся ў зняволенні, сем кандыдатаў ад
апазіцыі, а таксама палітычныя актывісты, незалежныя журналісты і
праваабаронцы. Некаторыя з актывістаў былі прысуджаныя да
неабгрунтаваных тэрмінаў пазбаўлення волі; офісы іншых актывістаў падвергнуліся
шматразовым ператрусам з боку супрацоўнікаў службы бяспекі, без права на
эфектыўную абарону ў судзе; усе яны апынуліся ахвярамі пастаянных пагроз з боку
рэжыму. Прэзідэнт Лукашэнка заявіў на наступны дзень
пасля абвяшчэння вынікаў: "Давайце на гэтым скончым. Больш бязглуздай
дэмакратыі ў краіне не будзе. [...] Будуць усе сядзець у турме па законе».
Сёння рэпрэсіі не слабеюць: два
былых кандыдаты ў прэзідэнты - Андрэй Саннікаў і Уладзімір Някляеў -
па-ранейшаму знаходзяцца ў зняволенні ў СІЗА КДБ і пад хатнім арыштам. Некалькі адвакатаў, якія абараняюць актывістаў, былі пазбаўленыя
ліцэнзій. Незалежным газетам "Наша Ніва" і
"Народная воля" пагражае спыненне выданняў. Шасцёра
журналістаў былі абвінавачаныя ў "масавым парушэньні грамадзкага
парадку", а адзін з іх калег прысуджаны да чатырох гадоў турэмнага
зняволення. Больш чым калі б тое ні было, праваабаронцы
сёння падвяргаюцца перасьледу з боку рэжыму. Яны -
пастаянная мішэнь для допытаў, ператрусаў і паклёпніцкіх кампаній, якія
трансліруюцца часам на працягу дня па нацыянальных каналах тэлебачання.
Дакументальны інтэрнэт-фільм FIDH – яркае сведчанне аб грамадстве, якое апынулася
пад татальным кантролем уладаў, якія ўсімі сіламі спрабуюць здушыць любыя
праявы дэмакратычнай актыўнасці.
Дакументальны інтэрнэт-фільм
даступны для прагляду тут:
http://www.fidh.org/Belarus-Obschestvo-v-opasnosti
У бліжэйшы час будзе апублікаваны
падрабязны даклад FIDH пра рэпрэсіі ў Беларусі.
