Бялыніцкая раёнка і ў перадсвяточным нумары не ўстрымалася ад абразаў у адрас Паўла Шарамета

Бялыніцкая раённая газета “Зара над Друццю” у перадсвяточным нумары ад 7 траўня знайшла месца для таго, каб змясціць артыкул, у якім абражаецца вядомы беларускі журналіст Павел Шарамет і інтэрнэт-сайт “Беларускі партызан”. Артыкул “Шеремет ввёл цензуру”, які падпісаны Кірылам Старыкавым, змешчаны ў газеце ў рубрыцы “комментарий”.

У артыкуле нікому невядомага Кірыла Старыкава ўтрымліваюцца словы: “Больше всего на свете Шеремет боится правды. Ответить на неё он не может, потому прибегает к самому простому методу – тупой цензуре. Удивительного ничего нет. Всем известно, что правда колет глаза, и Шеремету ничего не остаётся, кроме вульгарности, вроде бескультурных советов «плеваться дерьмом». Чувствуется, что это совет знающего человека. Из года в год Шеремет только этим и занимается. Пусть продолжает, если не умеет ничего другого».

Вельмі прыкра, што апошнім часам у бялыніцкай раёнцы рэгулярна змяшчаюцца паклёпніцкія артыкулы з нападкамі на незалежных журналістаў, дэмакратычныя інфармацыйныя рэсурсы і апазіцыйных палітыкаў. Гэта тым больш сумна, што рэдактарам “Зары над Друццю” з’яўляецца вядомы беларускі пісьменнік Міхась Карпечанка, які ў 90-я гады быў адным з лідэраў нацыянальнага адраджэння ў Бялыніцкім раёне, узначальваў мясцовую суполку сацыял-дэмакратаў.

У лютым гэта года Магілёўскі аблвыканкам вызначыў лаўрэтаў сваёй спецыяльнай прэміі “Чалавек года”. Па выніках 2010 года ў намінацыі “Грамадска-палітычная дзейнасць” уладальнікам яе стаў рэдактар установы “Рэдакцыя раённай газеты “Зара над Друццю”, пісьменнік Міхась Карпечанка…

“Праваабарончая хроніка”