Чытачы “Intex-press” не давяраюць следчым органам

Баранавіцкая недзяржаўная газета “Intex-press” на працягу амаль 2-х тыдняў праводзіла апытанне на ўласным сайце www.intex-press.by. Наведвальнікам сайта прапаноўвалася адказаць на пытанне: “Ці верыце Вы афіцыйным дадзеным аб расследаванні выбуху ў мінскім метро?” У апытанні прыняло ўдзел 1516 чалавек, з якіх 74% адказалі, што не вераць афіцыйным дадзеным аб расследаванні выбуху на станцыі метро “Кастрычніцкая”, 11% чытачоў адказалі, што вераць, а 13% так і не вызначыліся ў сваім рашэнні. Дадзеныя лічбы выразна прадэманстравалі высокую ступень недаверу да працы следчых органаў і абвешчаных вынікаў расследавання гучнай справы.

“Праваабарончая хроніка”