Сілавыя структуры Гарадзеншчыны працягваюць псыхалягічны ціск на грамадзка-палітычных актывістаў Гарадзеншчыны.

Яшчэ шэраг асобаў атрымалі позвы ў Гарадзенскі ваенкамат на дзень Чарнобыльскага шляху. Сярод іх адзін зь лідараў непрызнанага ўладамі Саюзу палякаў Беларусі Тадэвуш Гавін і сябра Грамады (БСДГ) Эдвард Дмухоўскі. Міліцыя шукае таксама братоў Андрэя і Станістава Пачобутаў. А ў Шчучыне Мікола Хільмановіч, сябра БНФ і ініцятыўнай групы Аляксндра Мілінкевіча на выбарах прэзыдэнта, атрымаў позву зьявіцца 26 красавіка ў аддзел прафіляктыкі мясцовай міліцыі да маёра Мікалайчыка для гутаркі "по поводу обстоятельств. Сёньня ж у Шчучыне сьледчы Іван Новікаў зьбіраецца прад'явіць Сяргею Ляшкевічу перабвінавачваньне па заведзенай у сакавіку крымінальнай справе.