Актывістка БХК Святлана Рудкоўская страціла працу

Пасля апошняй выбарчай кампаніі праваабаронца з БХК Святлана Рудкоўская страціла працу ажно ў двух месцах. Да нядаўняга часу яна была старшынёй двух жыллёвых кааператываў. Святлана Рудкоўская кажа, што пры разліку ў жыллёва-будаўнічым кааператыве №14 была дапушчана грубая памылка – ёй “забыліся” выплаціць грашовую кампенсацыю за адпачынкі. Зараз Рудкоўская звярнулася ў Гродзенскую інспекцыю па працы з мэтай дамагчыся законнасці. Характэрна, што мясцовая адміністрацыя зацвердзіла новых старшыняў кааператываў, нягледзячы на тое, што на сходах жыхароў не было кворумаў.

Мясцовыя праваабаронцы лічаць, што страта Рудкоўскай працы непасрэдна звязаная з яе актыўнай дзейнасцю пад час апошніх выбарчых кампаній, калі яна займалася назіраннем і неаднаразова складала скаргі па фактах парушэння выбарчага заканадаўства.

“Праваабарончая хроніка”