Міжнародная праваабарончая арганізацыя "Рэпарцёры бяз межаў" занепакоена пазбаўленьнем газэты "Наша Ніва" магчымасьці друкавацца і існаваць у Беларусі

Як паведаміла Радыё Свабода, прадстаўнік гэтай арганізацыі Жан-Франсуа Жыляр у сувязі з гэтым заявіў: "Мы асуджаем гэтае рашэньне, бо гэта новы спосаб пагражаць газэце, новы спосаб спыніць яе дзейнасьць. Гэта - новы шлях заглушыць незалежны голас.
Сітуацыя была вельмі кепскай напярэдадні прэзыдэнцкіх выбараў і падчас іх. Але цяперашняя сытуацыя азначае, што прэзыдэнт Лукашэнка не дапускае любую крытыку ўвогуле, і ня толькі падчас выбарчай кампаніі".