Бабруйскія ўлады ня далі дазволу былому штабу Аляксандра Казуліна на правядзеньне пікетаў у ягоную падтрымку

Як паведаміла карэспандэнту belngo.info давераная асоба палітыка Таіса Кабанчук, гарвыканкам адмовіў у дазволе з фармальнай прычыны: маўляў, заяўку на дазвол трэба падаваць за два тыдні загадзя. Аднак, паводле такой логікі, заяўку на правядзеньне пікетаў у абарону Казуліна трэба было падаць да яго затрыманьня.

Спадарыня Кабанчук заявіла, што 17 красавіка ў Бабруйскі выканкам будзе пададзеная яшчэ адна заяўка на правядзеньне пікетаў.