Акцыя салідарнасці з палітзняволенымі ў Полацу і Наваполацку

16 сакавіка новаствораная арганізацыя“Свабодны рэгіён” правяла акцыю салідарнасці з палітзняволенымі ў Полацу і Наваполацку. На афішных тумбах, прыпынках грамадскага транспарта, пад’ездах дамоў з’явіліся партрэты палітзняволеных і інфармацыйныя матэрыялы пра рэпрэсіі.

Актывісты арганізацыі лічаць, што звычайныя людзі пазбаўлены магчымасці  ведаць праўду пра падзеі 19 снежня і іх наступствы для былых кандыдатаў у прэзідэнты і сяброў іх каманд. Распаўсюд такой інфармацыі патрэбны зараз і “плакатным” метадам, паколькі вялікая частка грамадства не карыстаецца інтэрнэтам і мае доступ пераважна да  дзяржаўных СМІ.

“Праваабарончая хроніка”