Ваенная пракуратура мусіць праверыць факты катаваньняў ў дачыненьні да Аляксея Міхалевіча
Алесь Міхалевіч
Генеральная пракуратура Беларусі перанакіравала зварот праваабаронцы Алеся Бяляцкага наконт фактаў прымянення катаваньняў да былога кандыдата ў прэзідэнты Рэспублікі Беларусі Аляксея Міхалевіча ў Беларускую ваенную пракуратуру. Тым самым орган, які закліканы сачыць за захваньнем законнасьці ў краіне, зьняў з сябе непасрэдную адказнасьць за праверку выкладзеных у скарзе фактаў.
Гэта вынікае з адказу Генпракуратуры, які А. Бяляцкі атрымаў 16 сакавіка. Адказ падпісаў старшы пракурор аддзела па нагляду за выкананьнем заканадаўства ў войску і на транспарце С. Катрыч.
Зварот на імя Генпракурора Рыгора Васілевіча быў накіраваны напрыканцы лютага, калі грамадскасьці сталі вядомыя факты катаваньняў і бесчалавечага абыходжаньня, якія агучыў вызвалены з СІЗА КДБ пад падпіску аб нявыездзе Аляксей Міхалевіч.
Алесь Бяляцкі прасіў прыняць меры пракурорскага рэагаваньня па ўказаных ў СМІ фактах катаваньняў, а таксама ўстанавіць і прыцягнуць да крымінальнай адказнасьці асобаў, якія дапускалі дадзеныя катаваньні і іншыя бесчалавечыя віды абыходжаньня да асобаў, якія ўтрымліваюцца ў СІЗА КДБ і СІЗА №1 МУС
