Яраслава Грышчэню чакаюць у КДБ

Былога сябру Маладога фронту Яраслава Грышчэню выклікалі ў баранавіцкі КДБ. Яраслаў актыўна ўдзельнічаў у нядаўняй выбарчай кампаніі ў камандзе Статкевіча.

– Як я разумею, ён мяне чакаў каля дому, пакуль мы не прыедзем з Мінска і я не ўвайду ў кватэру. Ён проста прыйшоў і кажа так і так Яраслаў Сяргеевіч, я ведаю, што ён прыехаў, ці я не мог бы яго ўбачыць.

Супрацоўнік КДБ звязаўся з хлопцам па тэлефоне і спытаў, калі ён будзе ў Баранавічах. На прапанову сустрэцца, Яраслаў адмовіў і папрасіў даслаць афіцыйную позву, якая неўзабаве была ўручана як толькі ён пераступіў парог сваёй кватэры.