Допыты ў Салігорску, Брэсце, Баранавічах (дадаецца)
У Салігорску супрацоўнікі мясцовай управы КДБ 3 лютага дапыталі давераную асобу Андрэя Саньнікава Уладзіміра Лемеша. Допыт працягваўся каля чатырох гадзін. Пра сутнасьць пытаньняў Лемеш распавядаць адмовіўся, паколькі падпісаў паперу аб неразгалошваньні таямніцы следства.
* * *
Ва Упраўленні КДБ па Брэсцкай вобласці дапыталі давераную асобу Мікалая Статкевіча Віктара Чайкоўскага. Яго дапытвалі па справе аб масавых беспарадках 19 снежня ў Мінску. Допыт доўжыўся дзве гадзіны, пасля чаго з актывіста ўзялі распіску аб неразгалошванні. Віктар Чайкоўскі, які 19 снежня быў затрыманы міліцыяй, а наступнага дня асуджаны за нібыта хуліганства, лічыць, што ў супрацоўнікаў КДБ нічога канкрэтнага па справе Міколы Статкевіча няма.
* * *
У Баранавічах супрацоўнікі КДБ, не дачакаўшыся прыходу Віктара Цяпіна на допыт, наведалі яго на працы. Па словах Віктара Цяпіна, супрацоўнікаў КДБ цікавіла асоба Уладзіміра Някляева. Віктар Цяпін таксама лічыць, што ў супрацоўнікаў КДБ няма фактаў па справе аб масавых беспарадках і цяпер яны стараюцца што-небудзь знайсці ў падтымку абвінаваўчанга акта.
* * *
Ізноў жа ў Баранавічах 3 лютага ў КДБ дапыталі Мікалая Чарнавуса, давераную асобу кандыдата ў прэзідэнты на выбарах-2010 Рыгора Кастусёва.
