Брэст: Давераная асоба Някляева звярнуўся ў раённую выбарчую камісію
Николай Ковш, доверенное лицо кандидата в президенты В. Некляева
Мікалай Коўш, давераная асоба кандыдата ў прэзідэнты Уладзіміра Някляева, накіраваў заяву ў Маскоўскую раённую выбарчую камісію г.Брэста па выбарах прэзідэнта РБ. Мікалай Коўш адзначае, што “шматлікія факты сведчаць аб найгрубейшых парушэннях Выбарчага кодэкса ў ходзе мінулай выбарчай кампаніі”, у чым аўтар заявы змог пераканацца падчас назірання за выбарамі ў дзень галасавання на ўчастку № 73 у Брэсце.
У мэтах аб'ектыўнай ацэнкі вынікаў волевыяўлення грамадзян Мікалай Коўш просіць прадаставіць звесткі аб выніках падліку галасоў па кожным участку ў Маскоўскім раёне г.Брэста і копію накіраванага ў раённую камісію пратаколу з выбарчага ўчастка № 73. "Улічваючы, што праведзеныя выбары абвешчаныя празрыстымі і адкрытымі, спадзяюся, што прадастаўленне гэтай інфармацыі не патрабуе нейкіх намаганняў", - адзначае ў сваёй заяве даверана асоба аднаго з кандыдатаў у прэзідэнты.
"Праваабаронцы за свабодныя выбары"
