Кіраўнік гарадзкога штабу А.Мілінкевіча ў Наваполацку Васіль Храмцоў атрымаў 5 сутак адміністратыўнага арышту

Падставай для затрыманьня стала тое, што спадар Храмцоў, па вэрсіі міліцыянтаў, не прапусьціў на пешаходным пераходзе мінака, калі ехаў машынай па вуліцы Моладзевай. Кіраўніка штабу даставілі ў пастарунак, а неўзабаве і ў гарадзкі суд, дзе яму вынесьлі прысуд па арт.166 КаАП у выглядзе 5 сутак адміністрацыйнага арышту. Пры гэтым судзьдзі не прынялі да ўвагі таго факту, што спадар Храмцоў хворы на цукровы дыябэт і мусіць тройчы ў суткі рабіць іньекцыі інсуліну.