У Гродна затрыманыя праваабаронца Віктар Сазонаў і давераная асоба Аляксандра Мілінкевіча Сяргей Мальчык

Як пасьпеў паведаміць праваабаронца і ўдзельнік мясцовага штабу адзінага кандыдата Віктар Сазонаў, яго і Сяргея Мальчыка — давераную асобу кандыдата ў Прэзідэнты Аляксандра Мілінкевіча затрымалі каля 16 гадзінаў у раёне чыгуначнага вакзалу, калі яны ішлі на абед. Міліцыянты хацелі спраўдзіць дакументы. Абодвух актывістаў даставілі ў пастарунак, а затым ў Ленінскі РАУС Гродна.
Папярэдне вядома, што іх нібыта абвінавачваюць у распаўсюдзе выбарчых агітацыйных матэрыялаў, якія надрукаваныя з парушэньнямі заканадаўства.