Пінск: З’явіліся агітплакаты Алеся Міхалевіча

Другі альтэрнатыўны дзеючаму кіраўніку дзяржавы кандыдат у прэзідэнты, які пачаў актыўную фазу агітацыйнай кампаніі ў Пінску – Алесь Міхалевіч. Актывісты яго каманды вывесілі перадвыбарчы плакат кандыдата на гарадскіх рэкламных тумбах. Цяпер у некаторых месцах пінчукі могуць убачыць плакаты двух кандыдатаў - Алеся Міхалевіча і Андрэя Саннікава. Прычым каманды выкарыстоўваюць выключна рэкламныя тумбы, іншыя дазволеныя мясцовымі ўладамі месцы застаюцца вольнымі ад агітацыйнай прадукцыі.

Што да сустрэч з выбаршчыкамі, Пінск пакуль што застаецца па-за шляхамі кандыдатаў і іх давераных асобаў. Магчыма гэта звязана са слабасцю і неарганізаванасцю мясцовых камандаў прэтэндэнтаў на прэзідэнцкую пасаду.

“Праваабаронцы за свабодныя выбары”