Гомель: Партрэты дэмакратычных кандыдатаў абмалёўваюць нацысцкімі сімваламі (фота)

У Гомелі на стэндах для перадвыбарчай агітацыі, у прыватнасці, на прыпынку каля цэнтральнага ўнівермага, невядомыя пашкодзілі партрэты дэмакратычных кандыдатаў: Андрэя Саннікава, Уладзіміра Някляева і Віталя Рымашэўскага. Чорным маркерам фотаздымак Саннікава нехта закрэсліў свастыкай, а партрэтам Някляева і Рымашэўскага падмаляваў гітлераўскія вусы і прычоску.

«Хутчэй за ўсё гэта зрабілі людзі неадэкватных паводзін, агрэсіўныя прыхільнікі дзеючай ўлады. Яны замест разумных аргументаў могуць толькі псаваць партрэты і рваць плакаты», - пракаментаваў Кастусь Жукоўскі, які праводзіць агітацыю за Ўладзіміра Някляева.

“Праваабаронцы за свабодныя выбары”