Аператыўнасць пінскай раёнкі -- за межамі здаровага сэнсу

Не прайшло і дзесяці дзён ад моманту рэгістрацыі кандыдатаў у прэзідэнты, як афіцыйная газета Пінскага раёна “Полесская правда” надрукавала інфармацыю пра гэтую падзею --  у № 94 ад 27 лістапада. Гэта паведамленне Цэнтральнай выбарчай камісіі  ад 18 лістапада аб рэгістрацыі кандыдатаў, якое суправаждаюць фотаздымкі  і кароткія дадзеныя аб месцы жыхарства, працы і партыйнай прыналежнасці кандыдатаў.

У гэтым жа нумары “Полесской правды” размешчана абвестка аб дзейнасці грамадскай прыёмнай кандыдата ў прэзідэнты А.Р. Лукашэнкі, якая размешчана ў Брэсце, у штабе Брэсцкага абласнога Савета “Белай Русі”. У абвестцы пададзены адрас прыёмнай і рэжым працы.

Варта адзначыць, што іншыя пінскія СМІ і па сённяшні дзень не звяртаюць увагі на кампанію па выбарах прэзідэнта краіны.

“Праваабаронцы за свабодныя выбары”