Слонім: Стаўленне да сустрэч з кандыдатамі абыякавае
Алена Мачаліна
Іван Бедка, давераная асоба кандыдата ў прэзідэнты Віталя Рымашэўскага, яшчэ 19 лістапада папярэдзіў кіраўніка Слонімскай раённай камісіі па выбарах Алену Мачаліну аб тым, што 25 лістапада ў 17 гадзін адбудзецца сустрэча з кандыдатам у кінатэатры “Мір”, які райвыканкам вызначыў месцам для сустрэч з кандыдатамі.
Давераная асоба Віталя Рымашэўскага Іван Бедка 23 лістапада прыйшоў да дырэктара кінатэатра, каб папярэдзіць яго і нагадаць пра сустрэчу. Дырэктар кінатэатра Міхаіл Сыч быў здзіўлены - першы раз пачуў пра гэта. Ён патэлефанаваў спадарыні Мачалінай - і толькі тады яна паведаміла аб тым, што 25 лістапада ў кінатэатры сапраўды адбудзецца сустрэча з Віталем Рымашэўскім.
На жаль, каля кінатэатра не абсталявана і не вызначана месца пад паведамленні пра сустрэчы з кандыдатамі. Таму Іван Бедка паставіў каля гэтай установы свой стэнд з інфармацыяй пра сустрэчу. Як бачым, мясцовыя чыноўнікаі і сябры раённай камісіі па выбарах да сустрэчаў з кандыдатамі ў прэзідэнты ставяцца абыякава.
“Праваабаронцы за свабодныя выбары”
