Баранавічы: 42% чытачоў газеты “Intex-press” гатовы аддаць свой голас за апазіцыйнага кандыдата

Баранавіцкая недзяржаўная газета “Intex-press” працягвае праводзіць на ўласным сайце Intex-press.by апытанне сваіх чытачоў. На 23 лістапада ў апытанні прыняло ўдзел 673 чалавек. Наведвальнікам сайта прапануецца адказаць на пытанне: за каго вы аддасце свой голас на выбарах Прэзідэнта РБ 19 снежня 2010 года? 42% чытачоў газеты “Intex-press” гатовы аддаць свой голас за адзінага кандыдата ад апазіцыі ці за апазіцыйнага кандыдата, праграма якога ім больш блізкая. За дзеючага прэзідэнта выказалася 31% наведвальнікаў сайта. Зусім не пойдуць на выбары 13% чытачоў газеты, а 6% выказаліся супраць усіх кандыдатаў. І толькі 5% удзельнікаў апытання не вызначыліся да гэтага часу ў сваім выбары.

“Праваабаронцы за свабодныя выбары”

Фота: Рэдакцыя газеты “Intex-press”.