Улады Гомеля хочуць сарваць сустрэчу кандыдыта ў Прэзідэнты Аляксандра Мілінкевіча з выбаршчыкамі

Як паведаміў гомельскі праваабаронца Анатоль Паплаўны сустрэча з Аляксандрам Мілінкевічам, запланаваная на 13 сакавіка, павінна пачацца са збору выбаршчыкаў на цэнтральнай плошчы Гомеля -- плошчы Паўстаньня на вул. Савецкай. Паводле папярэдняй дамоўленасьці з уладамі горада сама сустрэча адбудзецца на стадыёне, які знаходзіцца побач з плошчай.
Каб перашкодзіць збору выбаршчыкаў у цэнтры Гомеля, ўлады дадумаліся да таго, каб заваліць гэтую плошчу сьнегам: самасваламі сьнег звозяць з усяго гораду і высыпаюць на плошчы Паўстаньня (!) -- такога гарадзкія жыхары яшчэ ня бачылі.